فريق بداية حياه
مرحباً بكم في منتدي فريق بداية حياه
يسعدنا إنضمامكم لنا وتشريفنا بمشاركتكم الفعالة

تحيتي مدير المنتدي
eng.Magiver

العناية بالبشرة

استعرض الموضوع السابق استعرض الموضوع التالي اذهب الى الأسفل

العناية بالبشرة

مُساهمة من طرف ROFAYDAH في الأربعاء 24 فبراير 2010, 1:41 pm

للبشره
الجافه خاصه المكونات :
ربع ثمره كمثرى بياض بيضه نصف ملعقه عسل
الأستعمال : تدهك الكمثرى جيدآ ثم تضاف لخليط العسل والبيض وتمزج جيدآ ثم تدهن على الوجه
مع مراعاه تفادي المنطقه المحيطه بالعين يترك القناع لمده (15) دقيقه ثم يشطف بالماء الفاتر

تنظيف البشره

قناع الزبادي والطين لعلاج حب الشباب
يدخل الزبادي في تحضير العديد من مستحضرات العنايه بالبشره وخاصه الأقنعه لمفعوله المرطب
والمغذي ويستعمل هذا القناع للتنظيف العميق للبشره الدهنيه فيساعد على إزاله دهون البشره
وتخليصها من الرؤوس السوداء وحب الشباب ويستخدم مره واحده إسبوعيا حتى لاتتعرض البشره
للجفاف .
المكونات : 12 ملعقه زبادي 2 ملعقه طين 2 ملعقه ماء بطاطس .
الاستعمال : يوجد الطين الخاص للبشره في الصيدليات أما للحصول على ماء البطاطس فهو الماء
الذي تسلق فيه البطاطس تخلط جميعا وتوضع على البشره لمده عشرين دقيقه ثم يشطف الوجه بالماء
الفاتر ويوضع كريم مرطب للبشره

تنظيف البشره

قناع الطماطم للبشره الدهنيه:

تعتبر الطماطم من أفضل ما يعتمد عليه لتضيق مسام الوجه لمفعولها القابض للبشره
المكونات : ثمره طماطم قشر نصف ليمونه بعض القطرات من عصير الليمون
الأستعمال : تهرس ثمره الطماطم ويضاف بشر قشر

الليمون وعصيره ويوضع القناع على البشره لمده
ربع ساعه ثم يشطف بالماء الفاتر .

تنظيف البشره

قناع الموز لمقاومة التجاعيد:
الموز من الفواكه الغنيه بالفيتامينات مما يجعله من أفضل الأغذيه لصحه البشره والشعر ويستخدم
عصيره كدهان لليدين .
المكونات : ثمره موز ثلاث ملاعق حليب
الأستعمال : تهرس ثمره الموز وتخلط مع الحليب ثم توزع على البشره مع التركيز على أماكن
التجاعيد ويترك لمده 15 دقيقه ثم يشطف بالماء الفاتر

تنظيف البشره

قناع النشا لحبوب الوجه:
يستخدم النشا لعلاج حبوب الوجه والمسام الواسعه وحروق الشمس بالأضافه لكونه منضفا جيدآ للبشره
المكونات : ملعقه كبيره نشا قليل من الماء الدافئ قليل من زيت الزيتون
الأستعمال : تدهن البشره أولآ بزيت الزيتون ثم يخلط النشا بالماء ثم يوضع على البشره لمده 20
دقيقه ثم يشطف بالماء الدفئ

تنظيف البشره

قناع الخيار لعلاج شحوب البشره:
يتميز الخيار بفوائده الصحيه والجماليه العديده أهمها اثره الواضح كقابض للمسام بالأضافه لمفعوله
في تبيض البشره والتخلص من الهالات السوداء تحت العينين ومن البقع والشوائب التي تصيب
البشره
المكونات : نصف فنجان خيار مبشور بياض بيضه 2 ملعقه حليب بودر ه
الاستعمال : تخلط المكونات جيدا لعمل عجينه رقيقه وتترك على الوجه لمده 20 دقيقه ثم يشطف
الوجه بالماء الفاتر ثم البارد

تنظيف البشره

قناع البرتقال المنعش للبشره :

يتميز هذا القناع بمفعول منعش للبشره ويمكن إستعماله لعده مرات في الأسبوع وهو مناسب لكل
أنواع البشره
المكونات : عصير نصف برتقاله ثلاث ملاعق عسل
الاستعمال : يسخن العسل مع عصير البرتقال على نار هادئه حتى يذوب ويترك ليبرد قليلا ثم يوضع على الوجه و يشطف بالماء الفاتر


تخلصي من تشقق أقدامك وتعلمي الباديكير المنزلي
تشقق القدمين أسوأ ما تعانينه بسبب جفاف الجلد في فصل الشتاء ، والكريمات المرطبة لا تعطيكِ النتيجة المأمولة ، إذا كنتِ تبحثين عن علاج عليكِ بالباديكير ، إما أن تلجأي إلى متخصصة في صالون تجميل ، أو تقرأي السطور التالية بعناية ، ويفضل أن تحتفظي بنسخة منها على الكمبيوتر لأنك ستحتاجينها فيما بعد .
خبيرة التجميل ليست أفضل منكِ كي تعتني بقدميك ، الفارق الوحيد أنها تملك الطريقة الصحيحة ، لذا نقدم لكِ الباديكير على طريقة المحترفين بالشرح الوافي والصور .

الأدوات المطلوبة
مبرد , زيت البشرة المتصلبة أو كريم لجفاف الجلد , قصاصة الأظافر , قصاصة الجلد الزائد , إصبع الجلد الزائد ، مبرد للبشرة . باختصار طاقم الباديكير .
أحضري أيضاً , مزيل طلاء الأظافر ، ملمع الأظافر ، حوض القفدمين وفوطة .

الطريقـة :

أبدأي بمزيل طلاء الأظافر, وتخلصي من الطلاء القديم
امليء حوض القدمين بالماء الساخن إلى أقصى درجة تستطيعين تحملها ، وأضيفي إليه قرص من البيكنج صودا ( إنه مفيد لتفتيح لون الجلد ) . انقعي قدميكِ في الماء لمدة لا تقل عن 10 دقائق ، لعد ذلك أخرجيهما وجففيهما بالفوطة بضربات خفيفة
حان وقت المهمة الأصعب ألا وهي إزالة الجلد الزائد والخشن ، ابدأي بجلد باطن القدم من الكعب مستخدمة بمبرد البشرة مروراً إلى باطن القدم حتى تصلي إلى الأصابع .

أزيلي الجلد الميت من جوانب الأصابع
ضعي باطن قدمك في مواجهة الأرض ، ثم أزيلي الجلد من وجه الأصابع
بقصاصة الجلد الميت أزيلي الجلد المحيط بالأظفار
عند عقلة الأصابع أو مكان ظهور مسامير القدم ، استخدمي القصاصة لتتخلي من أي زوائد جلدية
تابعي العمل نفسه وأنت متجهة نحو الأظافر
بإصبع الجلد الخاص بالأظافر تخلصي من جلد أظافرك الزائد والميت .
وبالقصاصة تخلصي نهائياً من الجلد الملتصق بالأظافربعد ذلك ساوي الجلد المحيط بالأظافر
في النهاية ابردي أظافر قدميك
ثم ضعي ملمع الأظافر . اتركيه حتى يجف ثم شعي طبقة المانيكير.

حمام الليمون
لقدمين رائعتين حقاً جربي حمام الليمون يومياً ، ستلمسين النتيجة قبل انتهاء الأسبوع الأول ، فخبراء التجميل يؤكدون أنه ميفيد جداً للأظافر ، كما يعمل على تنعيم بشرة القدمين تبيضها وإعطائها لون واحد .
فقط انقعي قدميك لمدة لا تقل عن 10 دقائق في ماء ساخن مضاف إليه عصير الليمون .

العناية بالبشرة في الشتاء
[size=12]النصيحة الأولى
بلاش صابون

شوفي يا قمر النصيحة الأولى اللي لازم تاخدي بالك منها هي إنك تبعدي نهائيا عن استخدام الصابون ومش قصدي هنا إنك تبعدي عن كل أنواع الصابون لا قصدي إنك تبعدي عن الصابون اللي بيحتوي على روائح معطرة لأنه بيساعد على زيادة جفاف الجسم..

علشان كده عايزاكى طووول الشتاء تستخدمي صابون الأطفال لأن ده بيكون فيه مواد مغذية وملطفة للجسم وبتعوض الجسم عن الجفاف اللي ممكن يتعرض له نتيجة عوامل الجو.


النصيحة التانية
لا للمياه الساخنة

طبعا اللي هتشوف كلمة "لا للمياه الساخنة" دي هتقول إيه ده معقول حد يقدر يعيش من غير ما يستخدم الماء الساخن

شوفي يا قمر في حقيقة كتير مننا مش عارفها وهي إن الماء الساخن مضرة جدا للجسم وهي اللي بتساعد على جفاف الجلد وبالتالي بتساعد على تشققه علشان كده ياريت تستخدمي في الشتاء مياه فاترة.

النصيحة الثالثة
نشفي بشرتك بفوطة ناعمة

أكيد كلنا بنتعرض للميه كل شوية يعني علشان الوضوء أو غسل الأيدي مثلا، وعلشان كده عايزاك تبقي ذكية وكل ما تعرضي بشرتك للميه تنشفيها بالراحة بفوطة ناعمة وبأكد كلامي فوطة ناعمة، واوعي تسيبيها من غير ما تنشفيها لأن ده هيزود جفافها ويعرضها للتقشف.

وفيه حاجة كمان حلوة ممكن تعمليها وهي إنك تدلكي إيدك ووشك بأي كريم مرطب بعد ما تغسليهم، وكمان عايزاك تاخدي بالك من حاجة مهمة قوووي وهي إنك ماتغسليش وشك أو تستحمي مثلا وتخرجي في الهواء البارد على طول، لا اقعدي في البيت لمدة ساعتين وبعد كده اخرجي.

النصيحة الرابعة
ماتكتريش من الماكياج
دي نصيحة مهمة قوي لازم تاخدي بالك منها في الشتاء وهي إنك ماتكتريش من وضع الماكياج خاصة "كريم الأساس والبودرة" علشان ما تظهرش حبوب أو بثور سوداء في بشرتك وده لأن مسام الجسم بتتنفس بصعوبة شديدة في الشتاء..

النصحية الخامسة
اشربي سوائل على قد ما تقدري
كتير مننا بيقلل من شرب السوائل في الشتاء بالرغم من إن السوائل دي مفيدة جدا للجسم وده لأنها بتساعد على ترطيب الجسم من الداخل إلى الخارج علشان كده ياريت تكتري من شرب السوائل زي الماء والعصائر الطازجة طبعا والفواكه اللي فيها فيتامينات زي "البرتقال واليوسفي"، لأن كل الحاجات دي هتغذي البشرة وهتبعد عنها الجفاف.

المشكله الاولى
هى جفاف جلد الجسم

أكيد كلنا في الشتاء بعد ما بناخد دش بنحس إن جلدنا بقى جاف قوي ومش بيلمع..

والحل يا ستي إنك تدلكي جسمك قبل الاستحمام بربع ساعة بزيت زيتون وبعد كده خدي الدش بتاعك عادي بس ياريت بعد ما تخلصي الاستحمام بالماء الفاترة تاخدي دش تاني بماء باردة وبعد ما تخلصي الدش نشفي جسمك بفوطة ناعمة وبعد كده ابدأي في وضع كريمات مرطبة على جسمك وهتشوفي الفرق بنفسك.


المشكلة التانية
جفاف جلد الوجه

برضه أكيد ساعات بتلاقي بشرة وشك في الشتاء مشدودة وجافة وبتجربي كريمات كتير وبرضه مفيش فايدة..

والحل هو إنك تجربي أي ماسك يعجبك من الماسكات دي وتتخلصي من المشكلة دي نهائي..
ماسك الزبدة لعلاج جفاف البشرة

المكونات :

معلقة صغيرة زبدة
معلقة كبيرة ماء

الطريقة:اخلطي ملعقة صغيرة من الزبدة مع ملعقة ماء وقلبيهم مع بعض كويس وبعد كده ادهني بيها وشك لمدة ربع ساعة وبعد كده اغسلي وشك بالماء الفاترة وكرري الماسك ده مرتين في الأسبوع وهتشوفي الفرق بنفسك.

ماسك العسل بالليمون

المكونات :
ملعقة كبيرة عسل نحل
ملعقة كبيرة عصير ليمون
ملعقة كبيرة خميرة بيرة
ملعقة مياه دافئة

الطريقة:أذيبي الخميرة في مياه دافئة لغاية ما تبقى عجينة بعد كده ضيفي إليها ملعقة عسل واخلطي المقادير دي مع بعضها بعد كده ضعي الماسك على وشك وسيبيه لمدة خمس دقائق لغاية ما تلاقي إن الماسك ده بدأ يجف، وبعدين هاتِ ملعقة فيها ليمون وبللي بها قطعة قطن وبعد كده مرري قطعة القطن دي على وشك وبعد مرور خمس دقائق اغسلي وشك بالماء الفاترة وبعدين بماء باردة وكرري الماسك ده مرة كل أسبوع وهتشوفي الفرق بنفسك.

المشكلة الثالثة
شحوب البشرة

من ضمن المشاكل اللي ممكن تتعرضي لها في الشتاء إنك بتحسي إن بشرتك لونها شاحب شوية والحل إنك تجربي الماسك ده..



ماسك البرتقال

المكونات:
عصير نصف برتقالة
3 معالق عسل

الطريقة:سخني العسل مع عصير البرتقال على نار هادئة لغاية ما تلاقي العسل ذاب، بعد كده شيليه من على النار وسيبيه شوية لغاية ما تلاقيه برد، وبعد كده حطيه على وشك لمدة ربع ساعة وبعدين امسحي وشك بقطنة مبلولة بالماءالفاترة وكرري الماسك ده مرتين في الأسبوع وهتلاقي وشك بقى حاجة تانية خالص.


المشكلة الرابعة
خشونة جلد اليدين وتشققه
دي مشكلة بتعاني منها بنات كتير جداا طووول الشتاء كل ما تيجي تسلمي على واحدة تلاقي إيديها خشنة قوووي.

والحل هو الماسك ده..

ماسك عصير الليمون

كل اللي عليك إنك تعصري نصف ليمونة على باطن إيدك وبعد كده تاخدي العصير ده وتدعكي بيه إيدك وبعد مرور 10 دقائق تشطفي إيديك بالماء الفاترة، وكرري العملية دي كل يوم وبعد مرور أسبوع هتلاقي بشرة إيدك رجعت لها النعومة وبقت أنعم من الحرير.


المشكلة الخامسة
خشونة كعب القدمين وتشققه

دي مشكلة كمان ممكن تقابلك وده لأن جلد كعب القدمين ضعيف جدا وبيتأثر بالبرودة قوووي.

والحل بسيط جدًا وهو..

حمام المياه والفازلين

ضعي رجليكِ في مياه تكون فاترة لمدة عشر دقائق وبعد كده ادعكي رجليكِ بالحجر بعد ما تتأكدي من إزالة كل الجلد الميت نشفي رجلكِ كويس وضعي طبقة سميكة من الفازلين على كعوب رجلك وبعد كده البسي كيس بلاستيك في رجلكِ وعليه شراب وسيبيه لمدة نص ساعة أو نامي به وقومي الصبح وهتلاقي الفرق بنفسك
المشكلة السادسة تشقق الشافايف

فيه كمان مشكلة ممكن تقابك في الشتاء وهي مشكلة تشقق الشفايف وده لأن زي ما أنت عارفة جلد الشفايف جلد رقيق جدا وبيتأثر بأي حاجة بسرعة علشان كده بتلاقيه هو أول حاجة بتتأثر بانخفاض درجات الحرارة.

والحل
شوفي يا قمر قدامك أكتر من حل وأنتى اختاري المناسب لكى:
1- أول حاجة احرصي طول الشتاء على استخدام زبدة كاكاو لأنها بتقي الشفايف من الجفاف وبترطب الشفايف.
2- تحطي طبقة من "الفازلين" على الشفايف بعد غسلها وتنشيفها.
3- ادعكِ شفايفك كل يوم بالليل بالطحينة وعلى فكرة الطحينة مش بس هتعالج التشققات دي هتعالج كمان أي التهابات موجودة.
4- ادعكِ شفايفك بعسل النحل كل يوم الصبح.

المشكله السابعه تشقق جلد الكوعين
من ضمن المشاكل اللي ممكن تتعرضي ليها في الشتاء مشكلة تشقق جلد الكوعين
ودي حلها ماسك زيت القرفة

المكونات:
3 نقط زيت قرفة (من عند العطار)
8 معالق كبيرة زيت مشمش (من عند العطار)

الطريقة:
ضعي المكونات السابقة مع بعضها في زجاجة واقفليها كويس ورجي الزجاجة دي كويس علشان المقادير دي تتخلط مع بعضها، وبعد كده ادهني الأماكن المصابة بالجفاف والتشقق وبعد مرور نص ساعة اغسليها بالماء الفاتر وكرري الماسك ده مرة كل أسبوع.
avatar
ROFAYDAH
عضو مثالي
عضو مثالي

عدد الرسائل : 260
العمر : 21
تاريخ التسجيل : 06/02/2010

بطاقة شخصية
الاسم: *ROFY*
النقاط:
0/0  (0/0)
خيارات: 10

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: العناية بالبشرة

مُساهمة من طرف امنيه احمد عبد الوهاب في السبت 17 يوليو 2010, 9:31 am

كنت عايزه اعرف ماسكات للبشره الدهنيه معاكوا مونى
avatar
امنيه احمد عبد الوهاب

عدد الرسائل : 3
تاريخ التسجيل : 17/07/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى